Home

All Departments in DTI




پەیمانگای تەكنیكی دوکان

      ناوەندێکى زانستى و ئەکادیمیە لە قەزاى دوکان، سەر بەزانکۆى پۆلیتەکنیکى سلێمانیە، پەیمانگاى تەکنیکى دوکان بەفەرمانى سەرۆکایەتى ئەنجومەنى وەزیران و وەزارەتى خوێندنى باڵا و توێژینەوەى زانستى لەساڵى (٢٠٠٤) دروستکرا، کە سەربە دەستەى خوێندنى تەکنیکى سلێمانى بووە، لەسەرەتادا بریاردرا بەشى (سینەما) بکرێتەوە بەڵام لەبەر نەبوونى کادرى پێویست ئەو بەشە داخرا و بەشى (گەشت و گوزار) لە پەیمانگاى تەکنیکى سلێمانى گوازرایەوە بۆ پەیمانگاکەمان، دواتر لەساڵى (٢٠٠٦) بەشى (کارگێرى بانکەکان) کرایەوە لەساڵى (٢٠٠٧) بەشى (کارگێری کار) کرایەوە، دواى ئەوە ساڵى (٢٠٠٩) بەشى ( ژمێریارى) کرایەوە بۆ ساڵى خوێندنى (٢٠٠٩-٢٠١٠)، بۆ زیاتر گرنگى دان بە پرۆسەى خوێندن هەر لەهەمان ساڵدا بە فەرمانى دەستەى خوێندنى تەکنیکى سلێمانى لەهەر سێ بەشى  (کارگێری بانک، کارگێرى کار، ژمێریارى) خوێندنى ئێواران کرایەوە، هەروەها لەساڵى (٢٠١١) بەشى (ئەلکترۆنیک) کرایەوە، دوابەدواى کردنەوەى ئەم بەشانە بۆ زیاتر بەرەو پێش بردنى رەوتى خوێندن لەکوردستان و سەرجەم زانکۆ و پەیمانگاکان بە فەرمانى وەزارەتى خوێندنى باڵاو توێژینەوەى زانستى ساڵى (٢٠١١) بریاردرا بەکردنەوەى خوێندن واتە پەیرەوکردنى سیستمى (پاراڵێل) لە قۆناغەکانى خوێندنى (دبلۆم، بەکالۆریۆس، ماستەر).




ئامانجی پەیمانگا

     ئامانجى پەیمانگا پێگەیاندنى کادرى مامناوەندە، وە پێدانى بروانامەى دبلۆمى تەکنیکى لە بوارەکانى (کارگێری، بانک، ژمێریارى و ئەلکترۆنیک) تا بتوانێت خزمەتێکى زیاتر بە ووڵات بکرێت و برەوى زیاتر بدرێت بە دام ودەزگاکانى هەرێم و کەرتى تایبەت بۆ راپەراندنى ئیش و کارەکان.

 

بەشە زانستیەكانی پەیمانگای تەكنیكی دوكان بریتین لە


خوێندنى بەیانیان

١- بەشى کارگێرى بانکەکان.

٢- بەشى کارگێرى کار.

٣- بەشى ژمێریارى.

٤- بەشى ئەلکترۆنیک.



خوێندنى ئێوارن 

١- بەشى کارگێرى بانکەکان.
٢- بەشى کارگێرى کار.















News,Events,Announcements ::هەواڵ و چالاکى و ئاگاداریەکان

Showing posts 1 - 10 of 69. View more »
































Events at Dukan Technical Institute