DTI Events


خوێندکارانى بەشى کارگێڕى بانکەکان بەگەشتێکى زانستى سەردانى هەڵەبجەیان کرد

posted Feb 21, 2018, 1:41 PM by media dti   [ updated Feb 21, 2018, 1:44 PM ]

ئەمڕۆ چوارشەممە (٢٠١٨/٢/٢١) خوێندکارانى قۆناغى دووەمى بەشى کارگێڕی بانکەکانى خوێندنى بەیانیان و ئێواران لەپەیمانگاى تەکنیکى دوکان، بەگەشتێکى زانستى سەردانى بانکى هەڵەبجە/٣ و پەیمانگاى تەکنیکى هەڵەبجە و مۆنۆمێنتى هەڵەبجەیان کرد.
لەمیانەى سەردانەکەیاندا لەلایەن (م.ڕزگار حمە رشید) سەرۆک بەشى کارگێڕی بانکەکان بەشێوەیەکى پراکتیکى  ئاماژەى بەو بابەتانەدا کە فەرمانبەرى بانک کارى لەسەر دەکەن  بە سەردانىکردنى هەموو بەشەکانى بانک بۆ ئەوەى خوێندکاران زیاتر شارەزابن و ئاشنابن بە هەموو ئەو بابەتانەى کە بەشێوەیەکى نەزەرى و ئەکادیمى دەخوێنرێت، دواتر سەردانى بەشە زانستیەکانى پەیمانگاى تەکنیکى هەڵەبجەیان کرد و بەشێوەیەکى جوان پێشوازییان لێکرا  لەلایەن مامۆستایان و خوێندکارانى پەیمانگاوە و لەکۆتایی گەشتەکەشیاندا سەردانى مۆنۆمێنتى هەڵەبجەیان کرد.










سەردانى کردنى خوێندکارانى بەشى پەیوەندییەگشتیەکان و بەبازاڕکردنى کۆلێجى تەکنیکى کارگێڕی سلێمانى

posted Feb 21, 2018, 5:49 AM by media dti   [ updated Feb 21, 2018, 6:03 AM ]

بەمەبەستى گەشتێکى زانستى  خوێندکارانى بەشى پەیوەندییەگشتیەکان و بەبازاڕکردنى کۆلێجى تەکنیکى کارگێڕی، سەردانى بەشى پەیوەندییە گشتییەکان و بەبازاڕکردنى پەیمانگاى تەکنیکى دوکانیان کرد، دواترلەلایەن بەڕێزان(د.کاوە ڕەزا) ڕاگرى پەیمانگاى تەکنیکى دوکان و (م.هەرمن شێرکۆ) سەرۆکى بەشى پەیوەندییە گشتییەکان و بەبازاڕکردن پێشوازییان لێکرا.
دواتر خوێندکارەکان سەردانى هۆڵەکانى خوێندنى بەشى پەیوەندییە گشتییەکان و بەبازاڕکردنیان کرد و لەنزیکەوە کۆمەڵێک بیروبۆچوون ئاڵوگۆڕ کرا و هیوایان خواست کە لە ئایندەیەکى نزیکدا خوێندکارانی بەشى پەیوەندییە گشتییەکان و بەبازاڕکردنى پەیمانگاى تەکنیکى دوکان سەردانیان بکەن تاکو زیاتر ئاشنابن بەیەکتر و کار و چالاکى بەهاوبەشى ئەنجام بدەن و سوود لەیەکتر وەربگرن.









لە پەیمانگاى تەکنیکى دوکان سیمپۆزیۆمێک سەبارەت بە (بازاڕ و بازاڕگەرى، هەلی کارو گەشەى ئابووری) بەڕێوەچوو

posted Feb 20, 2018, 11:12 AM by media dti   [ updated Feb 20, 2018, 12:05 PM ]

لەدرێژەى کاروچالاکییەکانى پەیمانگاى تەکنیکى دوکان، ئەمڕۆ سێ شەممە (٢٠١٨/٢/٢٠)  زانکۆى پۆلیتەکنیکى سلێمانى، پەیمانگاى تەکنیکى دوکان، بەشى پەیوەندییە گشتییەکان و بەبازاڕکردن بە سپۆنسەرى کۆمپانیای گرنگ، بەئامادەبوونى مامۆستایان و خوێندکارانى پەیمانگاى تەکنیکى دوکان و یەکە ئیدارییەکانى ناوچەکە و خاوەن کار و کۆمپانیا سیمپۆزیۆمى (بازاڕ و بازاڕگەرى، هەلی کارو گەشەى ئابووری) بەڕێوەچوو.
دەستپێکى بەرنامەى کارى سیمپۆزیۆمەکە به‌ ساتێك وه‌ستان و بێده‌نگی بۆ ڕێزلێنان له‌گیانی پاكی شه‌هیدان  ده‌ستیپێكرد، دواتر ووتەى بەخێرهاتنى میوانەکان لەلایەن بەڕێز (د.کاوە ڕەزا) ڕاگرى پەیمانگاى تەکنیکى دوکان پێشکەشکرا و تیایدا ئاماژەى بەوەدا( کوردستانیش بەهۆی ئەو بەرەو پێشچون و پێشکەوتنە ئابوری و سیاسی و دیبلۆماسیەی بە خۆوەی بینیوە لە ڕابردودا، بەهۆی کرانەوەی زیاتری کوردستان بە ڕوی وڵاتانی جیهاندا، ڕۆژ بە ڕۆژ کۆمپانیا و شمەک و کاڵای زیاتری جیهانی لە بواری جۆربەجۆردا دێنە هەرێمی کوردستانەوە، لەگەڵ ئەوەی بەشێکی زۆری ئەو کاڵایانە لە ڕوی کوالێتیەوە لە نزمترین ئاستدان، بەڵام لەبەر نەبونی شمەکی خۆماڵی و کەمی کارگە و بەرهەمهێنانی ناوخۆیی دانیشتوانی کوردستان خواستێکی زۆریان بۆ ئەم کاڵایانە هەیە، بەجۆرێک کاڵای چینی و تورکی و ئێرانی بازاڕەکانی هەرێمی کوردستانیان سیخناخ کردوە،هەر بۆیە ئەنجامدانی سیمپۆزیومێک لەلایەن پەیمانگاکەمانەوە بە سپۆنسەری کۆمپانیای گرنگ مشت و مڕی زیاتر بەڕووی ئەم پرسانە و ئاسۆی چارەسەرییەکان لەلایەن پانێلیست و پسپۆڕانی بەڕێزی ئەم سیمپۆزیمەوە گەڵاڵە دەکات، بە ئومێدی ئەوەی دەرئەنجامی ئەم سیمپۆزیومە بەرچاو ڕوونی زیاتر بداتە لایەنە پەیوەندیدارەکان بۆ ئەوەی کاری پێویست و گونجاو ئەنجام بدەن، لەپێناوی ئابورییەکی گەشە کردوو، کە بازاڕ ببوژێنێتەوە و هەلی کاری زیاتر بۆ خوێندکارانی دەرچوو و هاوڵاتیان دەستەبەر بکات) .

 بەرنامەى کارى سیمپۆزیۆمەکە بە دوو پانێڵ بەڕێوەچوو، پانێڵى یەکەم لەلایەن بەشداربووان بەڕێز(پ.ی.د.خالید حیدەر) پسپۆڕی ئابوورى و مامۆستا لە زانکۆى سلێمانى، کۆلێژى کارگێڕى و ئابورى بە تەوەرى (بنەما سەرەکیەکانى ستراتیژى بازاڕی سەرکەوتوو)  و بەڕێز (یاسین محمود رەشید) ناسراو بە(مەلا یاسین) وتەبێژى یەکێتى وەبەرهێنەرانى کوردستان و سەرۆکى یەکێتى وەبەرهێنەران، لقی سلێمانى، بەتەوەرى (کاریگەرییەکانى قەیران لەسەر بازاڕ و هەلى کار)بەشداربوون، هەروەها بەڕێوەبەرى پانێڵ لەلایەن بەڕێز(م.هەرمن شێرکۆ) سەرۆکى بەشى پەیوەندییە گشتییەکان و بەبازاڕکردن  لەپەیمانگاى تەکنیکى دوکان بەڕێوەچوو.
 پانێڵى دووەم لەلایەن بەشداربووان بەڕێز(پ.ی.د.نەزاکەت حسێن) مامۆستا لەزانکۆى سلێمانى، کۆلێژى زانستەمرۆڤایەتیەکان، بەشى ڕاگەیاندن، بەتەوەرى (کاریگەرییەکانى ڕیکلام لەسەر گەشەى بازاڕ) و بەڕێز (م.بڕیار رؤوف) خاوەنى لیدرس دریم بۆ ڕاهێنان و ڕاوێژکارى و ڕاهێنەرى کۆمپانیاى (John Maxwell)ی ئەمریکى، بەتەوەرى( بونیادنانى ژیان لەڕێگەى بازاڕگەرییەوە) بەشداربوون، بەرێوەبەرى پانێڵى دووەم لەلایەن (م.ئاراس عەلى) مامۆستا لەپەیمانگاى تەکنیکى دوکان، بەشى پەیوەندییە گشتییەکان و بەبازاڕکردن بەڕێوەچوو.
هەریەک لەو بەشداربووانە دیدو بۆچوونى خۆیان دەربارەى تەوەرەکان تاووتوێ کرد و ئاماژەیان بە ستراتیژی بازاڕ و کاریگەریەکانی سەر بازاڕ لەپێناو فراوان کردنی هەلی کار وگەشەدان بە ئابوری تاک و کۆماڵ وبوژانەوەی ژێرخانی ئابوری خێزان و کۆمەڵگاکان، بەباس کردن لە ستراتیژی بازاڕگەری سەرکەوتوو، سیستمی بازاڕگەری لە کوردستان و بونیادی بازاڕی گەشەکردوو و بەژداری پێکردنی زۆرینەی توانای مرۆیی بۆ باشکردنی ئابوری لەنێو بازاڕ لە هەرێمی کوردستان هەروەها کاریگەریەکانی سەر بازاڕ و کاری ڕیکلام و بازاڕگەری لەسەر بنەما تەندروستەکان و لەپێناوی گەشەی بازاڕ و ڕۆڵی بازاڕ لە گەشەی ئابوری نێو کۆمەڵگاکان، دواتر ئەو هۆکارانەی کار دەکەنە سەر گەشەی بازاڕ لەپێناو زیاد بوونی هەلی کار وگەشەی ئابوری لە هەرێمی کوردستان.

دواتر لەلایەن میوانەکانەوە چەند پرسیار و تێبینى لەسەر تەوەرەکان  ئاراستەى پانێلستەکان کرا ودواتر لەلایەن بەشداربووانی پانێلەکانەوە ڕاسپاردەکان خرانە ڕوو تاکو بخرێنە بەرنامەی کار. 
لەکۆتایی سیمپۆزیۆمەکەدا لەلایەن ڕاگری پەیمانگای تەکنیکی دوکان و سەرۆکی بەشی پەیوەندیە گشتیەکان و بەبازاڕکردن خاڵاتی ڕێزلێنان بەخشرایە پانێلستەکانی سیمپۆزیۆمەکە.




















چالاکى وەرزشی: خولى ساڵانەى تۆپی پێی پەیمانگای تەکنیکى دوکان دەست پێدەکات

posted Feb 17, 2018, 12:52 PM by media dti   [ updated Feb 17, 2018, 12:55 PM ]

هۆبەى ڕاگەیاندن و چالاکییە وەرزشییەکانى پەیمانگاى تەکنیکى دوکان ئاگادارى بەشداربووانى سەرجەم بەشە زانستییەکانى پەیمانگا دەکاتەوە کە خولى ساڵانەى تۆپی پێی پەیمانگا رۆژى دووشەممە (٢٠١٨/٢/١٩)  دەست پێدەکات، هەروەها یارییەکان بەم شێوەیە دەست پێدەکات:
 
 یەکەم یارى دووشەممە کاتژمێر       (١٠)
 دووەم یارى دووشەممە  کاتژمێر       (١١)
 سێیەم یاری سێ شەممە کاتژمێر       (١٠)
چوارەم یارى سێ شەممە کاتژمێر       (١١)
پێنجەم یارى چوارشەممە کاتژمێر       (١٠)
شەشەم یارى چوارشەممە کاتژمێر       (١١)
حەوتەم یارى  شەممە کاتژمێر       (١٠)
هەشتەم یارى شەممە کاتژمێر       (١١)
 نۆیەم یارى یەک شەممە کاتژمێر       (١٠)

تێبینى/ هەر گروپێک لەکاتى خۆیدا ئامادە نەبێت بە دۆڕاو دادەنرێت.

هۆبەى ڕاگەیاندنى پەیمانگاى تەکنیکى دوکان

پەیمانگاى تەکنیکى دوکان سیمپۆزیۆمێک سەبارەت بە (بازاڕ و بازاڕگەرى، هەلى کار و گەشەى ئابوورى) ڕێکدەخات

posted Feb 17, 2018, 9:35 AM by media dti   [ updated Feb 17, 2018, 9:36 AM ]

زانکۆى پۆلیتەکنیکى سلێمانى، پەیمانگاى تەکنیکى دوکان، بەشى پەیوەندیەگشتیەکان و بەبازاڕکردن بەسپۆنسەرى کۆمپانیاى گرنگ، سیمپۆزیۆمى (بازاڕ و بازاڕگەرى، هەلى کار و گەشەى ئابوورى) ڕێکدەخات.
سیمپۆزیۆمەکە بە دوو پانێل بەڕێوە دەچێت، پانێلى یەکەم  بەڕێز(یاسین محمود رشید) وتەبێژى یەکێتى وەبەرهێنەرانى کوردستان و سەرۆکى  یەکێتى وەبەرهێنەران، لقی سلێمانى بە تەوەرى (کاریگەرییەکانى قەیران لەسەر بازار و هەلى کار) بەشدار دەبێت، بەڕێز (پ.ی.د.خالید حیدەر) پسپۆری ئابووری و مامۆستا لە زانکۆى سلێمانى بە تەوەرى (بنەما سەرەکیەکانى ستراتیژی بازاری سەرکەوتوو) بەشدار دەبێت.
پانێلى دووەم، بەڕێز(پ.ی.د.نەزاکەت حسێن) مامۆستا لە زانکۆى سلێمانى بە تەوەرى (کاریگەرییەکانى ریکلام لەسەر گەشەى بازار)بەشدار دەبێت، هەروەها بەڕێز( مامۆستا بریار رؤوف) خاوەنى لیدرس دریم بۆ ڕاهێنان و ڕاوێژکاری ڕاهێنەرى کۆمپانیاى (john maxwell)ى ئەمریکى  بە تەوەرى (بونیادنانى ژیان لەڕێگەى بازاڕگەرییەوە) بەشدار دەبێت.


شوێن: پەیمانگاى تەکنیکى دوکان، هۆڵى کۆنفرانسی کەمپی سەرەوە:
رۆژی سێ شەممە (٢٠١٨/٢/٢٠)
کاتژمێر (١٠)ى سەرلەبەیانى

بەبۆنەى ڕۆژى خۆشەویستیەوە چالاکییەکى هونەرى بەڕێوەچوو

posted Feb 14, 2018, 9:18 AM by media dti   [ updated Feb 14, 2018, 9:20 AM ]

ئەمڕۆ چوارشەممە (٢٠١٨/٢/١٤)  پەیمانگاى تەکنیکى دوکان بەبۆنەى رۆژى خۆشەویستیەوە  کەناسراوە بە ڕۆژى ڤالانتاین ئێوارە کۆڕیکى شیعرى بۆ بەڕێز (باسط حمە غریب) بەهاوکارى میوزیک ژەنى بەتوانا (هەڵۆ غەریب) ڕێکخست.
سەرەتای کۆرەکەش بەڕێز (د.کاوە ڕەزا) ڕاگرى پەیمانگاى تەکنیکى دوکان ووتارێکى پێشکەش کرد و  بەخێرهاتنى بەڕێز(باسط حمەغریب) و خوێندکاران و سەرجەم میوانەکانى کرد بۆ ئەم ئێوارە کۆڕە.
لەکۆرە شیعریەکەدا چەندین پارچە شیعر و میوزیک پێشکەش بە مامۆستایان و خوێندکارانى پەیمانگا کرا.
ڕۆژى ڤالانتاین یان رۆژى خۆشەویستى (Valentines Day) بریتیە لەو ڕۆژەى خۆشەویستان و عاشقان  خۆشەویستى خۆیان بۆ یەکتر دەردەبڕن لەڕێگەى پێدانى گوڵى سوور و کارتى ڤالانتاین، ئەگەرچى ڤالانتاینجەژنێکى رۆژئاواییە، بەڵام لەزۆربەى ووڵاتانى جیهان لەو رۆژەدا خۆشەویستان بەشێوەى جۆراوجۆر یادی دەکرێتەوە.






















پەیمانگاى تەکنیکى دوکان کۆڕێکى شیعرى بۆبەڕێز (باسط حمە غەریب) ڕێکدەخات

posted Feb 12, 2018, 10:54 AM by media dti   [ updated Feb 12, 2018, 11:25 AM ]

پەیمانگاى تەکنیکى دوکان هەڵدەستێ بە سازکردنى کۆڕێکى شیعری بۆ بەڕێز (باسط حمە غەریب)، بەهاوکارى میوزیک ژەن (هەڵۆ غەریب).
شوێن: کەمپى سەرەوەى بەشە زانستیەکانى پەیمانگا - هۆڵى کۆنفرانس.
رۆژى چوارشەممە (٢٠١٨/٢/١٤)
کاتژمێر ٢ى پاش نیوەڕۆ



هۆبەى ڕاگەیاندنى پەیمانگاى تەکنیکى دوکان

ڕاکێشانى تیروپشکى خولى ساڵانەى تۆپی پێی پەیمانگا

posted Feb 11, 2018, 10:18 AM by media dti   [ updated Feb 11, 2018, 10:19 AM ]

هۆبەى ڕاگەیاندن و چالاکییەکانى پەیمانگاى تەکنیکى دوکان ئاگادارى نوێنەرى سەرجەم بەشە زانستیەکانى پەیمانگا دەکاتەوە، سبەى کاتژمێر (١١)ى سەرلەبەیانى سەردانى هۆبەى راگەیاندن و چالاکیەکانى پەیمانگا بکەن لەبیناى ڕاگرایەتى پەیمانگا بەمەبەستى ڕاکێشانى تیروپشکى گروپەکان بۆ خولى تۆپی پێی پەیمانگا.



هۆبەى ڕاگەیاندنى  پەیمانگاى تەکنیکى دوکان 

چالاکى خوێندکارانی پەیمانگاى تەکنیکى دوکان

posted Feb 10, 2018, 4:56 AM by media dti   [ updated Feb 10, 2018, 5:52 AM ]

بەناوى ڕاگرایەتى پەیمانگاى تەکنیکى دوکان و بەشى کارگێرى کار و بەشى ژمێریارى، سوپاس و پێزانین و دەست خۆشى خۆمان ئاڕاستەى خوێندکارانى کارگێڕی کار دەکەین کە هەستان بە جوانکارى و بۆیاغ کردنى هەردوو بیناى ڕاگرایەتى پەیمانگا و بەشى زانستى کارگێڕی کار و ژمێریارى، هیوادارین سەرکەوتووبن و نموونەیان زۆر بێت بۆ خزمەت کردنى پەیمانگاکەیان وەک ماڵى دووەمیان.



هۆبەى ڕاگەیاندنى پەیمانگاى تەکنیکى دوکان





سيمپۆزیۆمێک سەبارەت بە ئایندەى میدیاى ئەهلى و حیزبی لە هەرێمى کوردستان لە پەیمانگاى تەکنیکى دوکان بەڕێوەچوو

posted Feb 3, 2018, 1:03 PM by media dti   [ updated Feb 3, 2018, 1:35 PM ]

لەدرێژەى کاروچالاکییەکانى پەیمانگاى تەکنیکى دوکان، ئەمڕۆ شەممە (٢٠١٨/٢/٣) تۆڕی ئەکادیمیا و دیالۆگى میدیا، بەهاوبەشى لەگەڵ زانکۆى پۆلیتەکنیکى سلێمانى/ پەیمانگاى تەکنیکى دوکان، بە ئامادەبوونى مامۆستایان و خوێندکارانى پەیمانگا سیمپۆزیۆمى (ئایندەى میدیاى ئەهلى و حیزبی لەهەرێمى کوردستان) بەڕێوەچوو.
سەرەتا لەلایەن تۆڕی ئەکادیمیا و دیالۆگى میدیا  ووتارێک لەلایەن بەڕێز(د.کاوە ڕەزا) : (وەک دژ وەستان بەرامبەر ئەو تاوانە نامرۆییە ڕەگەزپەرستەوە و بریندار بوون و کوژرانى چەند رۆژنامەنووسێک کە بەردەوام دەبنە قوربانى جەنگەکان و هەروەها داوا لەئەنجومەنى ئاسایشی نێودەوڵەتى و هەموو دەزگاکانى مافی مرۆڤ دەکەن کە هەڵوێستى خۆیان بۆ ئەو تاوانە نامرۆییانە وەربگرن و لەکۆتاى ووتارەکەشدا هیواى سەرکەوتنى بۆ کوردانى عەفرین خواست).
دەستپێکى بەرنامەى کارى سیمپۆزیۆمەکە به‌ ساتێك وه‌ستان و بێده‌نگی بۆ ڕێزلێنان له‌گیانی پاكی شه‌هیدان و ناوی پێشمه‌رگه‌ له‌گه‌ڵ سروودی ( خۆشم ئه‌وێ ی ووڵاته‌كه‌م) ده‌ستیپێكرد، دواتر ووتەى بەڕێز(پ.ی.د.ئالان فەرەیدون) سەرۆکى زانکۆى پۆلیتەکنیکى سلێمانى و ووتەى بەخێرهاتنى میوانەکان لەلایەن بەڕێز (د.کاوە ڕەزا) ڕاگرى پەیمانگاى تەکنیکى دوکان پێشکەشکرا و تیایدا ئاماژەى بەوەدا (ئێمە وەک زانکۆى پۆلیتەکنیکى سلێمانى هەمیشە هەوڵمان داوە چەندین کۆنفرانسى زانستى و سیمپۆزیۆم و چالاکى زانستى و ئەکادیمى لەسەرجەم بوارەکان ڕێک بخەین و گفتوگۆیان لەبارەوە بکەین، هەروەها سەرۆکى زانکۆ، پەیمانگاى تەکنیکى دوکان وەک پەیمانگایەکى چالاک ساڵانە چەندین چالاکى جۆراوجۆر ئەنجام دەدات، ئەنجامدانى ئەم سیمپۆزیۆمە لەلایەن پەیمانگاى تەکنیکى دوکان و تۆرى ئەکادیمیا و دیالۆگى میدیا لەسەر بابەتێکى گرنگى وەک ڕێکخستنى (میدیاى ئەهلى و حیزبی لەهەرێمى کوردستان) جێی پێزانین و دەست خۆشیە).
بەرنامەى کارى سیمپۆزیۆمەکە بە دوو پانێڵ بەڕێوەچوو، پانێڵى یەکەم لەلایەن بەشداربووان بەڕێز(د.حەکیم عوسمان) ڕاگرى کۆلێجى تەکنیکى کارگێڕى و بەڕێز (ئەنوەر حسێن) جێگرى نەقیبی سەندیکاى ڕۆژنامەنووسانى کوردستان، هەروەها بەڕێوەبەرى پانێڵ لەلایەن بەڕێز(م.کاروان عەبدوڵا) مامۆستا لەزانکۆى سلێمانى بەڕێوەچوو، پانێڵى دووەم لەلایەن بەشداربووان بەڕێز(د.نەزاکەت حسێن) مامۆستا لەزانکۆى سلێمانى و بەڕێز (د.شوان ئادەم ئەیڤەس)مامۆستا لەزانکۆى پۆلیتەکنیکى سلێمانى، بەرێوەبەرى پانێڵى دووەم لەلایەن (م.بەناز) مامۆستا لەزانکۆى سلێمانى بەڕێوەچوو.
هەریەک لەو بەشداربووانە دیدو بۆچوونى خۆیان دەربارەى ئایندەى میدیاى ئەهلى و حیزبى لەهەرێمى کوردستان تاووتوێ کرد و ئاماژەیان بەوەدا کە ئەمڕۆ میدیا لەهەرێمى کوردستان لەپاڵ ئەو خزمەتە بەرچاوەى لەبوارە جیاوازەکاندا کە پێشکەشى کۆمەڵگاى کوردستانى کردووە دووچارى قەیران و بێ سەروبەرى زۆر بووە بەجۆرێک کە میدیاى حیزبە سیاسیەکان و میدیاى ئەهلى و سێبەر و نادیار هەریەکەو بە ئاوازێک دەخوێنێت و ئەرکى بەرپرسیارێتى کۆمەڵایەتى خۆیان لەبیرکردووە لەگەیاندنى هەواڵ و زانیارییەکان بەشێوەیەکى بابەتیانە، هەروەها ئاماژەشیان بەوەش کرد کە میدیا و سۆشیال میدیاى نادیار چەندین کارەسات و دڵەڕاوکێی بەشێوەیەکى هەرەمەکى لەنێو کۆمەڵگەدا بڵاوکردۆتەوە کە دوورە لە ئیتیکى کارى راگەیاندن و پیشەیی بوون و ئاسایشى نیشتیمانى، هەروەها جەختیان لە دروست کردوون بەرهەم هێنانى میدیاى نیشتیمانى کردەوە کە بتوانێ بە ئەرکەکانى خۆى هەستێت و خزمەتى کۆمەڵگا بکات.
دواتر لەلایەن میوانەکانەوە چەند پرسیار و تێبینى لەسەر بابەتەکە  ئاراستەى بەشداربوان کرا و هیواداربوون کە لەڕێگەى ئەم سیمپۆزیۆمەوە لەڕێگەى کەسانى پسپۆر و ئەکادیمى ئەم بابەتە تاوتوێ بکرێ و بخرێتە بەرنامەى کار و جارێکى تر میدیاى کوردى ڕێک بخرێتەوە.










 



















1-10 of 121