DTI Events


ئێوارە خوانێک بۆ خوێندکاران ڕێکخرا

posted Jun 11, 2018, 1:01 PM by media dti   [ updated Jun 11, 2018, 1:44 PM ]

ئێوارەى ئەمڕۆ دووشەممە ٢٠١٨/٦/١١ لەسەر ئەرکى سەرۆکایەتى زانکۆى پۆلیتەکنیکى سلێمانى، بەڕێز(پ.ی.د.ئالان فەرەیدون) سەرۆکى زانکۆى پۆلیتەکنیکى سلێمانى  و بە ئامادەبوونى بەرێز (د.یاسین عبدالرحمن) راگرى پەیمانگا بەوەکالەت و یاریدەدەرى راگرو بەشێک لە مامۆستایان و فەرمانبەرانى پەیمانگا و بەهاوکارى کۆمەڵەى خوێندکارانى کوردستان، ئێوارە خوانێک بۆ خوێندکارانى بەشە ناوخۆییەکانى کچان و کورانى پەیمانگاى تەکنیکى دوکان ڕێکخرا.
ئەم ئێوارە خوانە بەمەبەستى بەربانگ کردنەوە و پیرۆزکردنى مانگى رەمەزانى پیرۆز و ئاوڕدانەوە لەچینێکى گرنگى کۆمەڵگا کە خوێندکارانە بەگشتى و هاوکارى کردنیان بەشێوەیەکى بەردەوام بەتایبەت لەم بارودۆخەى ئێستاى کوردستان پێیدا تێدەپەڕێت، لاى خۆشیانەوە خوێندکاران خۆشحاڵى خۆیان دەربری بۆ ئامادەکردنى ئەو ئێوارە خوانە و زۆر سوپاسى سەرجەم مامۆستایان و فەرمانبەرانى پەیمانگاو هەموو ئەو کەس لایەنانە کرد کە دەستى هاوکارییان بۆ خوێندکاران درێژ کردووە و هیواى سەرکەوتنیان بۆ خواستن. 

ڕاگەیاندنى پەیمانگاى تەکنیکى دوکان

خولی ساڵانەی تۆپی پێی پەیمانگای تەکنیکی دوکان کۆتایی هات

posted May 16, 2018, 4:51 AM by media dti   [ updated May 16, 2018, 4:54 AM ]

ئەمڕۆ چوار شەممە۲۰۱٨/٥/١٦ بەئامادەبوونی بەڕێز (پ.ی.د.کاوە ڕەزا) راگری پەیمانگا و بەڕێز(نزار قادر) یاریدەدەرى ڕاگر و مامۆستایان و خوێندکاران  ئامادەی کۆتایی خولەکە بوون،  کە هۆبەی راگەیاندن و چالاکییەکانی پەیمانگا ڕێکیخستبوو، خولەکە له ١٨ گروپ لەسەرجەم بەشە زانستییەکان  پێكهاتبوو کە به شێوازى دوو شکست (دۆڕان) بەرێوه چوو، لەکۆتایی خولەکە هه ردوو گروپى (كارگێرى بانك/بەیانیان  و کارگێڕى کار/ ئێواران ) (قۆناغى دووەم) توانيان خۆيان بگەیەننە كۆتایى خولەکە، ئەمرۆ له كۆتا ياريدا ئەنجامى كۆتایى يارییەكه( كارگێرى بانك / بەیانیان قۆناغى دووەم) بە (٦)گۆڵ بەرامبەر بە  (٢) گۆڵ لەبەشی کارگێڕى کار/ ئێواران ) ى بردەوه و توانى پلەی يەکەم و پاڵەوانی خولەکە  بەدەست بهێنێت . 
دواتر لەلایەن ڕاگرى پەیمانگا و یاریدەدەرى ڕاگر و مامۆستایان  خەڵات بەسەر هەردوو گروپ دابەش کرا.
هەروەها سەرجەم پێداویستیەکانی ئەم خولەش کە خۆی دەبینێتەوە لە(جل و بەرگی یاری، مەدالیا، کاس، تۆپ و شەبەکە) لەلایەن ڕاگرایەتی پەیمانگای تەکنیکی دوکانەوە دابینکراوە، ئامانج لەکردنەوەی ئەم جۆرە خولانە زیاتر ئاشنابوون و ڕەخساندنی کەشێکی وەرزشییە بۆ خوێندکاران.
 
راگەیاندنی پەیمانگای تەکنیکی دوکان

بەبۆنەى رۆژى تەندروستییەوە چالاکییەک ڕێکخرا

posted May 15, 2018, 11:44 AM by media dti   [ updated May 15, 2018, 11:56 AM ]

بەبۆنەى ڕۆژی تەندروستى و سەلامەتى، ئەمڕۆ سێ شەممە ٢٠١٨/٥/١٥ هۆبەى تەندروستى و سەلامەتى پەیمانگاى تەکنیکى دوکان هەڵسا بەئەنجامدانى چالاکییەکى تەندروستى (کیشان و پێوانەى باڵا) و پشکنینى خوێن بۆ نەخۆشى (شەکرە) بۆ مامۆستایان و فەرمانبەران و خوێندکارانى پەیمانگا و پێدانى زانیارى سەبارەت بە کێشی تەندروستى و بڕی ئاسایی شەکرەى خوێن بە ئامانجى ئەوەى هەمووان ئاگاداربن لەکێشى ئاسایی و رێژەى شەکرى خوێن.

ڕاگەیاندنى پەیمانگاى تەکنیکى دوکان

سیمپۆزیۆمێک دەربارەى کلتورى دیبەیت و زانکۆکانى کوردستان بەڕێوەچوو

posted Apr 25, 2018, 8:27 AM by media dti   [ updated Apr 25, 2018, 8:29 AM ]

لەدرێژەى کاروچالاکییەکانى پەیمانگاى تەکنیکى دوکان، ئەمڕۆ چوارشەممە (٢٠١٨/٤/٢٥) ڕێکخراوى گەنجانى بوێر بەهاوکارى زانکۆى پۆلیتەکنیکى سلێمانى، پەیمانگاى تەکنیکى دوکان، بەشى سیستمەکانى نەوت و بەشى کارگێڕی بانکەکان، بەئامادەبوونى مامۆستایان و فەرمانبەرانى خوێندکارانى پەیمانگاى تەکنیکى دوکان سیمپۆزیۆمى (کلتوورى دیبەیت و زانکۆکانى کوردستان) بەڕێوەچوو.

دەستپێکى بەرنامەى کارى سیمپۆزیۆمەکە به‌ ساتێك وه‌ستان و بێده‌نگی بۆ ڕێزلێنان له‌گیانی پاكی شه‌هیدان  ده‌ستیپێكرد، دواتر ووتەى بەخێرهاتنى  بەڕێز( (پ.ی.د.کاوە ڕەزا) ڕاگرى پەیمانگاى تەکنیکى دوکان  لەلایەن بەڕێز(م.هێمن ابراهیم) سەرۆک بەشی سیستمەکانى نەوت پێشکەش بە میوانەکان کرا.
بەرنامەى کارى سیمپۆزیۆمەکە بە پانێڵێک بەڕێوەچوو،  لەلایەن بەشداربووان بەڕێز(پ.ی.د.هیوا سعید عزیز)مامۆستاى بەشى مێژوو، زانکۆى سلێمانى، کۆلێژى زانستە مرۆڤایەتیەکان، بەتەوەرى (زانکۆکانى کوردستان، هەنگاوەکانى بەکەلتورکردنى گفتوگۆی بەسود) بەشدارى سیمپۆزمەکەى کرد و دیدوبۆچونى خۆى خستەڕوو، هەروەها بەڕێز (م.سامان صاڵح فرج) مامۆستاى یاریدەدەر و ڕاهێنەرى بوارى پەروەردە و پرۆژەى ئابوورى بچووک) دیدى خۆى سەبارەت بە (بنەما و کارامەییە پێویستیەکانى گفتوگۆی بەسود) خستەڕوو، هەروەها پانێڵەکەش لەلایەن  بەڕێز(م.هێمن ابراهیم) سەرۆک بەشی سیستمەکانى نەوت لەپەیمانگاى تەکنیکى دوکان بەڕێوەچوو.
دواتر لەلایەن میوانەکانەوە چەند پرسیار و تێبینى لەسەر تەوەرەکان  ئاراستەى پانێلستەکان کرا ودواتر لەلایەن بەشداربووانی پانێلەکانەوە ڕاسپاردەکان خرانە ڕوو تاکو بخرێنە بەرنامەی کار. 
لەکۆتایی سیمپۆزیۆمەکەدا لەلایەن بەڕێز (م.نزار قادر) یاریدەدەرى ڕاگری پەیمانگای تەکنیکی دوکان و بەڕێز(م.ڕزگار حمەرشید) سەرۆکی بەشی کارگێڕی بانکەکان خەڵاتی ڕێزلێنان بەخشرایە پانێلستەکانی سیمپۆزیۆمەکە.

سیمپۆزیۆمێک سەبارەت بە کلتوورى دیبەیت و زانکۆکانى کوردستان بەڕێوە دەچێت

posted Apr 23, 2018, 11:23 AM by media dti   [ updated Apr 23, 2018, 11:23 AM ]

ڕێکخراوى گەنجانى بوێر بەهاوکارى زانکۆى پۆلیتەکنیکى سلێمانى / پەیمانگاى تەکنیکى دوکان / بەشە زانستیەکانى سیستمەکانى نەوت و کارگێڕی بانکەکان، هەڵدەستێت بەسازکردنى سیمپۆزیۆمێکى تایبەت لەژێر ناونیشانى (کلتوورى دیبەیت و زانکۆکانى کوردستان).



شوێن: هۆڵى کۆنفرانسی پەیمانگاى تەکنیکى دوکان.
ڕۆژ: چوارشەممە ٢٠١٨/٤/٢٥.
کات: ١٠:٣٠ی سەرلەبەیانى.

ڕاگەیاندنى پەیمانگاى تەکنیکى دوکان


بەشى پەیوەندییەگشتییەکان و بەبازاڕکردن لەیادی ڕۆژنامەگەرى کوردیدا بڵاوکراوەیەک دەردەکات

posted Apr 22, 2018, 2:07 PM by media dti   [ updated Apr 22, 2018, 2:09 PM ]

لەیادى ١٢٠ ساڵەى رۆژنامەگەرى کوردیدا، بۆ یەکەم جار لە پەیمانگاى تەکنیکى دوکان، خوێندکارانى بەشى پەیوەندییەگشتییەکان و بەبازاڕکردن بڵاوکراوەیەک بەناوى (دوکان پرێس) دەردەکات، کە تیایدا مامۆستایان و خوێندکارانى ئەو بەشە هەستاون بە کۆکردنەوە و نووسینى بابەتى هەمەجۆر لەبوارى میدیا و تەندروستى و گەشتیارى و وەرزشى.....هتد.

خاوەنى ئیمتیاز: پەیمانگاى تەکنیکى دوکان.
سەرنووسەر: هەرمن شێرکۆ نصرالدین / سەرۆک بەشى پەیوەندییە گشتییەکان و بەبازاڕکردن.
بەڕێوەبەرى نووسین: هەردى عەبدوڵا / خوێندکارى  بەشى پەیوەندییە گشتییەکان و بەبازاڕکردن.
دەستەى نووسەران: خوێندکارانى  بەشى پەیوەندییە گشتییەکان و بەبازاڕکردن (بەیانیان و ئێواران).
ژمارە (سفر) ٢٠١٨/٤/٢٢

لەیادى رۆژنامەگەری کوردیدا چەند چالاکییەک بەڕێوەچوو

posted Apr 22, 2018, 1:00 PM by media dti   [ updated Apr 22, 2018, 1:33 PM ]

ئەمڕۆ ٢٠١٨/٤/٢٢ لەئەمنە سوورەکە لەیادى ١٢٠ ساڵەى ڕۆژنامەگەرى کوردیدا و بەرەو بەدیهێنانى مافەکانى ڕۆژنامەنووسان لەهەرێمى کوردستاندا، ئەنجومەنى سەندیکاى ڕۆژنامەنووسانى کوردستان، بەهاوکارى زانکۆى پۆلیتەکنیکى سلێمانى، پەیمانگاى تەکنیکى دوکان، دەزگاى ئایدیا بۆ فکر و لێکۆڵینەوە، تۆڕی ئەکادیمیا و دیالۆگى میدیا چەند چالاکییەک بەڕێوەچوو.
سەرەتاى یادەکەش بەدەقیقەیک بۆ گیانى پاکى شەهیدان دەستى پێکرد و ووتارى مەراسیم لەلایەن (ئەنوەر حسێن) جێگرى نەقیبی  رۆژنامەنووسانى کوردستان خوێندرایەوە و دواتر بەبۆنەى ئەو یادە بەڕیز(خالد دۆسکى) وەزیرى ڕۆشنبیرى حکومەتى هەرێمى کوردستان ووتارێکى پێشکەش کرد و هەروەها ووتارى زانکۆى پۆلیتەکنیکى سلێمانى و پەیمانگاى تەکنیکى دوکان لەلایەن بەڕێز (پ.ی.د.کاوە ڕەزا) ڕاگرى پەیمانگاى تەکنیکى دوکان خوێندرایەوە.
هەروەها بەبۆنەى ئەو یادەوە رۆژنامەی (دوکان پرێس) بەسەر ئامادەبوان و رۆژنامەنووسان دابەش کرا کە لەلایەن مامۆستایان وخوێندکارانى  بەشى پەیوەندییە گشتییەکان و بەبازاڕکردنى پەیمانگاى تەکنیکى دوکانەوە  ئامادەکرا بوو.
لەمەراسیمەکەدا سیمپۆزیۆمێک بەناونیشانى (میدیاى تەندروست کۆمەڵگەیەکى هۆشیار بەرهەم دەهێنێت) لەلایەن پسپۆران و شارەزایانى میدیاوە پێشکەش بەئامادەبووان کرا و لەو چوارچێوەیەدا خەڵاتى ڕێزلێنان  و دابەشکردنى کۆمەڵێک کتێب وەک دیارى بۆ ١٠٠ رۆژنامەنووسى دەزگاکانى ڕاگەیاندن لەهەرێمى کوردستان، لەبەرامبەر هەوڵ و ماندووبونیان لەکارى رۆژنامەنووسیان.
 


بەشى پەیوەندییەگشتیەکان و بەبازاڕکردن بەگەشتێکى زانستى سەردانى دەزگاى میدیایی کوردساتیان کرد

posted Apr 22, 2018, 11:27 AM by media dti   [ updated Apr 22, 2018, 11:28 AM ]

ئەمڕۆ یەکشەممە ٢٠١٨/٤/٢٢ کە هاوکاتە لەگەڵ ساڵیادى ڕۆژنامەگەرى کوردى، خوێندکارانى بەشى پەیوەندییە گشتیەکان و بەبازاڕکردنی پەیمانگاى تەکنیکى دوکان، بەگەشتێکى زانستى  سەردانى دەزگاى میدیایی کوردساتیان کرد.
لەمیانەى سەردانەکەیاندا لەلایەن (م.هەرمن شێرکۆ ) سەرۆک بەشى پەیوەندییەگشتییەکان و بەبازاڕکردن و بەڕێز (هەردى عوسمان) بەڕێوەبەرى بەرهەم هێنانى پرۆگرامەکانى کوردسات بەشێوەیەکى ڕوون ئاماژەى بەو بابەتانەدا کە میدیاکاران  کارى لەسەر دەکەن، هەروەها وەرگرتنى کۆمەڵێک زانیارى گرنگ و بینینى بەشەکان و ستۆدیۆکانى و چۆنیەتى کارى پەخش و تەکنیکى بەرنامەکانى ئەو دەزگایە  لەلایەن تیمى کوردساتەوە ڕوون کرایەوە بۆ خوێندکاران.
 دواتر بەبۆنەى یادی ١٢٠ساڵەى ڕۆژنامەگەری کوردییەوە، خوێندکارانى بەشى پەیوەندییەگشتییەکان و بەبازاڕکردن سەردانى کەمپی کۆلێژى تەکنیکى کارگێڕی و بەشى تەکنیکى میدیایان کرد و بە دەرکردن و بڵاوکردنەوەى رۆژنامەیەک بەناوى (دوکان پرێس) کە لەلایەن مامۆستایان وخوێندکارانى ئەو بەشەوە ئامادەکرا بوو بەشدارییان لەچالاکییەکان کرد.


میدیاى کوردى لە ناساندنى ئەنفال بە نەوەى نوێ کەمتەرخەمە

posted Apr 11, 2018, 1:25 PM by media dti   [ updated Apr 11, 2018, 1:30 PM ]

پاش نیوەڕۆی ئەمڕۆ (٢٠١٨/٤/١١) بەڕێز (پ.ی.د.کاوە ڕەزا) ڕاگری پەیمانگاى تەکنیکى دوکان، بە تەوەرى (کەمتەرخەمى میدیا لەناساندنى جینۆسایدى ئەنفالدا)  بەشداری لەکۆڕبەندێکى ڕەخنەیی کرد کە ڕێکخراوى چاودێریی میدیای کوردى بەهاوبەشى زانکۆى چەرموو کە تیایدا دوو پانێلى ڕەخنەیی سازکرا بەناونیشانى ( ڕۆڵى میدیا لە ناساندنى جینۆسایدى ئەنفالدا).
ئەمەش لەکاتێکدایە کە ٣٠ ساڵ لەمەوپێش لەڕۆژێکى وەک ئەمڕۆدا، لەچوارچێوەى هەشت هەڵمەتى یەک لەدوای یەکدا لەکۆتا ساڵەککانى جەنگى عێراق و ئێراندا، حیزبی بەعسی عەرەبی ئیشتراکیی زیاد لە ١٠٠هەزار مرۆڤى بێتاوانى کوردیان کوشت و لەناوبرد.
سەرۆکى رێکخراوى چاودێریی میدیای کوردى ووتى: (ئەمڕۆ جیاواز لەساڵانى ڕابردوو، لەپێناو تێپەڕاندنى دۆخى باوى شیوەن و گرین و خۆبەقوربانیی زانیندا، ڕێکخراوى چاودێریی میدیای کوردى  بەهاوبەشى زانکۆى چەرموو تیشکمان خستە سەر زنجیرەیەک کۆڕبەندى ڕەخنەیی لەبارەى ڕۆڵى میدیا لە ناساندنى جینۆسایدى ئەنفالدا، ئەویش بەمیواندارى تێزە زانستییەکانى پۆلێک لەکەسانى ئەکادیمى زانکۆو پەیمانگاکانى کوردستان و بەشێک لەنووسەرانى قاڵبووى بوارى جینۆساید و بوارى ئەنفالناسی).
 

ۆرک شۆپێک دەربارەى سیستەمى سیاسی حوکمرانى هەرێمى کوردستان بەڕێوەچوو

posted Apr 10, 2018, 9:32 AM by media dti   [ updated Apr 10, 2018, 11:05 AM ]

لەدرێژەى کاروچالاکییەکانى پەیمانگاى تەکنیکى دوکان، لەچوارچێوەى پرۆژەى هاندانى هاوڵاتیان بۆ گفتوگۆکردن لەسەر سیستەمى حوکمرانى کە ڕێکخراوى گەنجانى بوێر بەهاوکارى ڕێکخراوى NED ئەمریکى و زانکۆى پۆلیتەکنیکى سلێمانى / پەیمانگاى تەکنیکى دوکان، رۆژى سێ شەممە (٢٠١٨/٤/١٠) کاتژمێر ١٢ى پاش نیوەڕۆ لەهۆڵەکانى خوێندن هەستا بە ئەنجامدانى ۆرک شۆپێک بە میواندارى هەریەک لە بەڕێزان (م.هێمن ابراهیم قادر) و (م.ژیلوان عبداللە هەڵەدنى) مامۆستا لەپەیمانگاى تەکنیکى دوکان لەژێر ناونیشانى (ئایندەى سیستمى حوکمرانى و گەرەنتیە دەستووریەکان لەهەرێمى کوردستان).
لەو ۆرک شۆپەدا ژمارەیەکى بەرچاو لەمامۆستایان و خوێندکارانى پەیمانگا ئامادەبوون، لە ۆرک شۆپەکەدا هەریەک  لە بەڕێزان (م.هێمن ابراهیم قادر) و (م.ژیلوان عبداللە هەڵەدنى) ئاماژەیان بە جۆرو گرنگى سیستەمى سیاسی وەک سیستمى پارله مانى و تێکەڵ و سه روكايه تى. و چی بکرێت تاکو سیستمێکى سیاسی گونجاو بۆ حوکمرانى هەرێمى کوردستان لەئێستادا پەیڕەوبکرێت و هەروەها تیشک خرایە سەر گەرەنتیە دەستورییەکان بۆ زامنى پاراستنى مافە بنەرەتيەكان ودادپەروەرى کۆمەڵایەتى و دروستکردن و یەکخستنى هێزى نیشتیمانى و دواتر تيشك خرايه سه رئەو گەرەنتيە ده ستوريانەى كە پێويسته له ئايندەدا له دەستورى هەرێمى کوردستان بچه سێت وەكو دابەشکردنى دەسەڵاتەکان بەسەر هه رسێ دەسەڵاتى ياسادانان وجێبەجێكردن ودادوەرى دا.
کۆتایی ۆرک شۆپەکەش بە پرسیار و ڕاوبۆچوون وگفتوگۆ بەبەشداری کردنى مامۆستایان و خوێندکاران ۆرک شۆپەکە کۆتایی هات.



1-10 of 142