DTI Events‎ > ‎

کۆبونەوەى ڕاگرى پەیمانگاى تەکنیکى دوکان لەگەڵ مامۆستایان و فەرمانبەران

posted Dec 11, 2017, 3:17 AM by media dti   [ updated Dec 11, 2017, 3:18 AM ]
ئەمڕۆ دوو شەممە بەروارى (٢٠١٧/١٢/١١) بەرێز (د.کاوە ڕەزا) ڕاگرى پەیمانگاى تەکنیکى دوکان لەهۆڵى کۆنفرانسى پەیمانگا لەگەڵ سەرجەم مامۆستایان و فەرمانبەرانى پەیمانگا کۆبۆیەوە، ئامانج لەکۆبوونەوەکەش بۆ زیاتر گرنگى دان بە ئیش و کارەکانى پەیمانگا و بەرز نرخاندنى هەوڵ و ماندووبوونى مامۆستایان و فەرمانبەرانى پەیمانگا بۆ زیاتر خزمەتکردن و بەرەو پێش بردنى پرۆسەى زانست لە  پەیمانگا لەڕێگەى ئەو کارو چالاکیانەى کە بەهەوڵ و کۆششى راگرى پەیمانگا و مامۆستایان و فەرمانبەرانى پەیمانگا توانراوە لەماوەى ئەو دوو ساڵەدا ئەنجام بدرێت، وەک (کردنەوەى دوو بەشى زانستى نوێ بۆ ساڵى خوێندنى (٢٠١٧-٢٠١٨) وەک بەشى پەیوەندییە گشتییەکان و سیستمەکانى کۆنترۆڵکردنى نەوت،  بە ئەلکترۆنیکردنى کتێبخانەى پەیمانگا، دانانى کامێراى چاودێری بۆ بەشەزانستییەکان، دروستکردنى تاقیگە، دروستکردنى سایت و پەیجى پەیمانگا بۆ ئاگاداربوون لەکار وچالاکییەکانى پەیمانگا، کردنەوەى خول و سازکردنى چەندین کۆڕ و سیمینارو ۆرک شۆپ، هاوکاریکردنى خوێندکاران و دابین کردنى چەندین کەل و پەل و پێداویستى بەشە ناوخۆییەکان و ........هتد)، دواتر چەندین پرسیار و تێبینى لەسەرچەند بابەتێک لەلایەن مامۆستایان و فەرمانبەرانەوە   ئاراستەى ڕاگر و لێپرسراوى هۆبەکان کراو وەڵام درانەوە.

هۆبەى راگەیاندنى پەیمانگاى تەکنیکى دوکان


















Comments