DTI Events‎ > ‎

ئێوارە خوانێک بۆ خوێندکارانى پەیمانگاى تەکنیکى دوکان ڕێکخرا

posted Jun 12, 2017, 3:54 PM by media dti   [ updated Jun 12, 2017, 4:05 PM ]
ئێوارەى ئەمڕۆ دووشەممە ٢٠١٧/٦/١٢ بە ئامادەبوونى بەرێز (د.کاوە ڕەزا) راگرى پەیمانگاى تەکنیکى دوکان و یاریدەدەرى راگرو بەشێک لە مامۆستایان و فەرمانبەرانى پەیمانگا، ئێوارە خوانێک بۆ خوێندکارانى بەشە ناوخۆییەکانى کچان و کورانى پەیمانگاى تەکنیکى دوکان ڕێکخرا.
ئەم ئێوارە خوانە بەمەبەستى بەربانگ کردنەوە و پیرۆزکردنى مانگى رەمەزانى پیرۆز و ئاوڕدانەوە لەچینێکى گرنگى کۆمەڵگا کە خوێندکارانە بەگشتى و هاوکارى کردنیان بەشێوەیەکى بەردەوام بەتایبەت لەم بارودۆخەى ئێستاى کوردستان پێیدا تێدەپەڕێت، هەروەها بەرێز (د.کاوە ڕەزا) راگرى پەیمانگا، زۆر سوپاسى مامۆستایان و فەرمانبەرانى کرد کە ماندووبوون لە ئامادەکردن و رێکخستنى ئەو ئێوارە خوانە، لاى خۆشیانەوە خوێندکاران خۆشحاڵى خۆیان دەربری بۆ ئامادەکردنى ئەو ئێوارە خوانە و زۆر سوپاسى سەرجەم مامۆستایان و فەرمانبەرانى پەیمانگاو هەموو ئەو کەس لایەنانە کرد کە دەستى هاوکارییان بۆ خوێندکاران درێژ کردووە و هیواى سەرکەوتنیان بۆ خواستن. هەروەها بەناوى راگرایەتى پەیمانگاى تەکنیکى دوکانەوە زۆر سوپاسی بەڕێزان (د.سۆران) جێگرى سەرۆکى زانکۆى پۆلیتەکنیکى سلێمانى بۆ کاروبارى زانستى و سەنتەرى هەلى کارى زانکۆ (CDC) دەکەین کە توانیان لەرێگەى خێرخوازێکەوە بەشێک لە ئەرکى ماددى ئەم ئێوارە خوانە لە ئەستۆ بگرن.
هۆبەى راگەیاندنى پەیمانگاى تەکنیکى دوکان











































                  



Comments