DTI Events‎ > ‎

لە پەیمانگای تەکنیکی دوکان ۆرک شۆپێک لەسەر پرسی دەستوور بەڕێوەچوو

posted May 16, 2017, 9:08 AM by media dti
ئەمڕۆ سێ شەممە۲۰۱۷/٥/۱٦ بە ئامادەبوونی بەرێز(د.کاوە ڕەزا) راگری پەیمانگا و مامۆستایان و فەرمانبەران و خوێندکارانی پەیمانگای تەکنیکی دوکان، بە هاوکاری (رێکخراوی گەنجانی بوێر) و بە پاڵپشتی رێکخراوی (NED)ی ئەمریکی و پەیمانگای تەکنیکی دوکان ۆرک شۆپێک سەبارەت بە پرسی دەستوور لەژێر ناونیشانی (پەکخستنی پرۆژەی نووسینەوەی دەستوور و ڕۆڵی رێکخراوەکانی کۆمەڵی مەدەنی لەکاراکردنەوەیدا) ئەنجامدرا.
لە سەرەتای ۆرک شۆپەکە بەچەند ساتێک بۆ گیانی پاکی شەهیدان دەستی پێکرد و لەلایەن بەرێز (بەهادین کەمال) وەک سەرۆکی رێکخراوی گەنجانی بوێر ووتەیەکی لەسەر ئامانجی ۆرک شۆپەکە پێشکەشکرد، دواتر ووتارێک لەلایەن بەرێز(د.کاوە ڕەزا) راگری پەیمانگا خوێنرایەوە، کە تیایدا پشتگیری چالاکی رێکخراوی گەنجانی بوێری کرد بۆ ئەنجامدانی ئەم زنجیرە ۆرک شۆپانە لەسەر پرسی دەستوور لەسەرجەم شاروشارۆچکەکانی کوردستان و بەتایبەت ناوەندە زانستی و ئەکادیمیەکانی وەک زانکۆ و پەیمانگاکان.
ۆرک شۆپەکە کە بۆ بەرێزان (م.هێمن ابراهیم قادر) مامۆستا لەپەیمانگای تەکنیکی دوکان و شارەزا لەیاسای دەستووری و بەرێز (د.ئەمین بکر)ئەندامی ئەنجومەنی نوێنەرانی عێراق و پسپۆر لەیاسای دەستووری سازکرا، بەتێروتەسەلی گفتوگۆ کرا لەبارەی پرۆژەی دەستوور و پرسی رەشنووسی دەستوری هەرێمی کوردستان، ئەوەی گرنگە ئەوەیە هاوڵاتیان لەگرنگی دەستوور بگەن و لە ناوەڕۆکی پرۆژەی دەستووری هەرێمی کوردستان شارەزابن و بزانن چی لەخۆگرتووە و باسی چی دەکات چونکە پرۆژەی دەستوور پەیوەندی بە هەموو تاکێکی کۆمەڵگاوە هەیە و هاوڵاتی جارێکی تر بۆ بەرگری لەمافەکانی پشت ئەبەستێت بە دەستور، هەر لەچوارچێوەی تەوەرەکاندا ئاماژە بەگرنگی رێکخراوەکانی کۆمەڵی مەدەنی کرا کە پرسی دەستوور بکەنە بابەتێکی گرنگ و فشاری مەدەنی لەسەر لایەنە سیاسیەکان و لایەنە پەیوەندیدارەکان دروست بکەن بەمەبەستی کۆدەنگی نیشتیمانی لەسەر ئەم پرسە گرنگە.
لەکۆتایی ۆرک شۆپەکەدا بە پرسیار و وەڵامی ئامادەبووان ۆرک شۆپەکە زیاتر دەوڵەمەند کرا.



هۆبەی ڕاگەیاندنی پەیمانگای تەکنیکی دوکان









Comments